"A Porgia"

Festa di S. Nicola

Uno dei tanti detti Francavillesi dice che "quandu è de Santu Nicola, ogni mandra facia a prova,

mentre Teresa Pizzonia, ogni annu ancora facia a Porgia."

Così ancora la bellissima antica tradizione “da Porgia”, dove ognuno è invitato a fare un assaggio di questo piatto, come si dice a Francavilla "pe ma prova."

Tra le ultime belle tradizioni che ancor durano a Francavilla, che rallegra e da al paese armonia.

Nta stu paisi mutu e musciu

a magghjiacana nc'è ancora scrusciu

fino a quandu e tutti i Santi

i devozioni portamu avanti.

Portamu avanti i tradiziuoni

chi pe nui su ancora buoni

si su e muorti oppuru e Santi

pe nui su buoni tutti quanti,

cuomu chista chi si facia

nta vighilia e juornu sia

ca s'aspettava na nottata

u si nda prova na cucchjiarinata.

Si stranghijiava nta nu tiestu

e si gugghjia nta na pignata

e pa devoziuoni e Santu Nicola

non si dormia na nottata,

non vidiamu l'ura u njiorna

aspettandu tutta a notta

ca avia u passa Santu Nicola

ma prova u primu s'era cotta.

Pe mu trasa Santu Nicola

a porta a notta si scancarava

ma pua mbeci trasia nu cana

e a porgia sa 'mprappava,

ma puru chista fidi bona

avia prima ogni cristianu

cridia ca jiu Santu Nicola

e si mangiau u ranu e u ndianu.

Ma nc'era puru chida mamma

chi era chjiu spirdata

chi mbongava cu a cucchjiara

e dassava u signu da liccata,

pua chjiudia a porta bona

cu a manigghjia e u manigghjiuni

nommu trasa ncunu cana

e mi facia u restanu dijiuni.

Pua appena facia jiuornu

o focularu tutti ntuornu

tutti chjini d'allegria

chi si mangiavanu a porgia.

Mo e sti cuosi non si nda facia

ca simu mali tutti quanti

ca avimu i mani chjiu chini e roba

ma e fidi in Dio u cora e chjiu vacanti.

Ma ancora nto paisi puru a nostri spisi

Io e Teresa Pizzonia portamu gioia e allegria.

---

Foca Fiumara